(کابل ټکی کام، ۱۳۹۷، کب ۱۴)
د هند لومړي وزير نرينداري مودي په پاکستان کې به د وسله والو پر ضد نور بريدونه هم وکړي.
مودي پرون د هند په احمداباد کې يوې ولسي غونډې ته په خپله وينا کې وويل، هند حکومت له یوه اقدام وروسته ودريږي نه، بلکې د نورو بريدونو لپاره چمتووالی نيسي.
هغه دغه راز وويل، که هر ځای وسله والې ډلې ومومي هندي هوايي ځواک به يې په نښه کړي.
نريندرا مودي د پاکستان له خوا د هندي پيلوټ د بيرته ورکولو په اړه وويل، چې دا لا تمرين و، اصلي عمليات پاتې دي.
دا په داسې حال کې ده، چې د هند د هوايي ځواکونو مشر بريندر سینګ هم پر پاکستان د بريد په اړه توندې څرګندونې کړي زياتوي هندي جنګي الوتکو بالاکوټ کې خپل هدفونه نښه کړي، په بريدونو کې د وژل شويو کسانو شميرل د دوی کار نه دی.
هند ادعا کوي چې بالاکوټ کې يې د جیش محمد ډلې له دو سوو زيات کسان په هوايي بريدونو کې له منځه وړي خو پاکستان دغه ادعا ردوي وايي يوازې په ملکي ځايونو يې هوايي بریدونه کړي دي.
په هندي کشمير پلواما سيمه کې له سرتيري بريد وروسته د دواړو هېوادونو تر منځ اړيکې ترينګلي شوي چې لا هم يو بل ته ګواښونه او وخت ناوخت د کشمير په سرحدي سيمه کې د هند او پاکستاني ځواکونو تر منځ وسله والې نښتې رامنځته کېږي.
