برازيل: وسله وال بريد کې نهه تنه وژل شوي؛ لس ټپيان دي
(کابل ټکی کام، ۱۳۹۷، کب ۲۳)
د راپورونو له مخې، د برازيل په يوه ښوونځي کې د وسله وال برید په ترڅ کې يوويشت کسانو ته مرګ ژوبله اوښتې ده.
دغه بريد د ښوونځي د دوو زده کوونکو له خوا د برازيل د پاولو ښار ته څيرمه په يوه ښوونځي کې شوی دی.
چارواکي وايي، دوو مخ پټو زده کوونکو چې په وسلو، چړو او تبرونو سمبال و په ښوونځي کې په زده کوونکو او کارکوونکو بريد کړی چې په ترڅ کې يې نهه زده کوونکي او د ښوونځي دوه کارکوونکي وژل شوي، لس تنه نور ټپيان دي.
د دغه بريد وروسته دواړو بريدګرو هم ځانونه وژلي دي.
چارواکي وايي، تر اوسه د بريد هدف نه دی معلوم خو په اړه يې څيړنې روانې دي.
