کابل: د امریکا سفارت د احتمالي بريدونو خبرداری ورکړ
(کابل ټکی کام، ۱۳۹۷، کب ۲۸)
په کابل کې د امريکا سفارت په يوې خبرپاڼه کې د نوي کال د جشن پر ورځ د احتمالي بریدونو د ترسره کيدو خبرداری ورکړ.
په خبرپاڼه کې راغلي، د روانې مارچ مياشتې له نيمايي څخه يې په دې اړه ډير راپورونه ترلاسه کړي او وسله وال په پلان کې لري چې د بهرنيانو په شممول ځينې اهداف په نښه کړي.
د امریکا سفارت وايي، دوی ته رسيدلي معلومات ښيي چې وسله وال په افغانستان کې د امريکا، د نورو بهرنيانو د تأسيساتو او دفترونو د بريد پلان لري.
د امريکا سفارت له خپلو اتباعو او نورو ټولو غوښتي چې د نوي کال (نوروزجشن) پر مهال دې له احتياطه کار واخلي.
د مارچ ۲۱مه د راتلونکې پنجشنبې ورځ د نوي ۱۳۹۸ هجري لمري کال لومړی ورځ ده.
که څه هم دغه ورځ د افغانستان په ځينو سيمو کې د یو لړ مراسمو په ترڅ کې لمانځل کېږي خو افغان ديني عالمان د دغه ورځې لمانځل حرام ګڼي په وينا يې د نورو لمانځل په اصل کې د اور لمانځونکو یا عبادت کوونو اختر دی زياتوي په دغه ورځ “میلې نیول تعظیم او د دغې ورځې احترام انسان د کفر تر کچې رسولی شي، مسلمانانو ته پکار دي چې له دغه عمل څخه ځان وژغوري او په لمانځلو کې یې ګډون ونکړي”.
