د نړۍ لومړۍ وداني مکة المکرمه/ دریمه برخه

لیکنه: نورالله عرفان

مکة المکرمه په دویم ځل جوړول:
درنو لوستونکو!
حضرت ابراهیم (علیه السلام) ته د مکې مکرمې د جوړولو امر وشو چې مکه جوړه کړه! خو؛ د آدم (علیه السلام) پر بناء یې جوړه کړه!
لکه څرنګه چې الله تعالی (ج) فرمایلي دي : ان اَوّل بیتٍ وُضِعَ لِلنّاسِ لِلَّذِی بِبَکّةِ مُبارکًا وهُدًی للعلمین. (الایاة ۹۶پاره ۴ سورت ال عمران)
ژباړه: خامخا د الله(ج) هغه لومړۍ وداني چې د خلکو لپاره په بکه کې میشته ده.
بهر حال کله چې حضرت ابراهیم(علیه السلام) کعبه جوړوله نو الله تعالی (ج) د کعبې خودلو لپاره سکینه را واستوله.

علماءکرام د سکینې تعریف داسې کوي چې: سکينه يو تېز او بې ځانه هوايي جسد دى؛ چې د مار پشان د هغې دوه سرونه دي.

د ځینو خيال دا دى چې: دا يوه تيزه چمکداره او تاويدونکې هوا دى؛ د دې سر او لکۍ؛ د پيشو سر او لکۍ مشابه دي؛
د هغي يو مټ د زبرجدو دى، او دويم مټ يې د مروريدو دى؛ او سترګو کې یې چمک دى.

حضرت علي کرم الله وجهه فرمايي: سکينه يوه تېزه هوا دى؛چې: د هغې دوه سره دي اومخ یې د انسان مشابه دى.

الله تعالى (ج) ابراهيم (علیه السلام) ته حکم وکړ چې: په کوم ځاى کې سکينه ايساره شي په هغه ځاى خانه کعبه تعمير کړه! نو حضرت ابراهيم (علیه السلام) په سکينې پسې تلو تلو…..
او هغې د خانه کعبې پر ځاى؛ حلقه (دایره) جوړولو سره کيناسته؛ بيا د الله تعالى (ج)لخوا نه غږ وشو چې: په همدومره ځاى دې خانه کعبه تعمير کړى شي! ندې پکې کمى کېږي او نه دې پکې زياتى .

او يو روايت دا هم دى چې الله تعالی (ج) حضرت جبرئيل (علیه السلام) را وليږلو د هغه راتلو سره ځاى ورته وښودل شو.

د حضرت ابن عباس (رض) په روايت چې: صرد د کونترې په څير يو مرغه دى؛ چې ښکار کوي هغه ځاى ورته وښودلو
لکه څنګه چې مخکې تير شو.

علامه کمال الدين الدمري (رحمه الله) په خپل کتاب (حيات الحيوان) کې لېکلي دي وايې :کله چې حضرت ابراهيم (عليه السلام)د خانه کعبې تعمير لپاره روان شو ؛ حضرت سره (سکينه)او (صرد) دواړه مرغان وو؛ (صرد) د خانه کعبې پر ځاى او (سکينه) د هغې د اندازې په معلومولو مأمور وو؛هرکله چې :  حضرت ابراهیم (علیه السلام) منزل مقصود ته ورسيد ؛ نو سکينه د خانه کعبې پر ځاى کيناسته ، اواز يې وکړ چې :
ابراهيم عليه السلام ! چې کوم ځاى پورې زما سيورى پريوت؛ نو تاسې هغه ځاى پورې تعمير جوړ کړئ .

حضرت ابراهیم (علیه السلام) چې مکه معظمه جوړوله نو؛ حضرت اسماعیل (علیه السلام) په دغه وخت کې.

نور بیا……