کابل ټکی کام ( شنبه، ۱۰ وری، ۱۳۹۸ ل)
د ولسمشر غني لومړی مرستیال جنرال عبدالرشید دوستم له نژدې دوه نیمه کاله وروسته نن هېواد ته ستون شو، د رپوټونو له مخې د نوموړي پر لېږدونکي کاروان د شبرغان- مزار لارې اوږدو کې د تیمورک سیمه کې برید شوی دی.
د نوموړي له نژدې کسانو یوه عنایت الله فرهمند رسنیو ته وویل، دغه برید کې نوموړي ته زیان ندی اوښتی، خو یو ساتونکی یې وژل شوی او ځینې نور ټپیان شوي دي.
ښاغلی فرهمند وايي، د عبدالرشید دوستم ساتونکو او بریدګرو تر منځ چې کمین یې نیولی و، نژدې یو ساعت نښته شوې. د پېښې دقربانیانو کره شمېر تراوسه ندی معلوم، او ښاغلی دوستم د جوزجان ولایت مرکز شبرغان ته رسېدلی دی. تیمورک سیمه کې له دې مخکې هم دجګړوخبرونه ورکړل شوي وو.
له دې مخکې په هغو تصویرونو کې چې پر خواله رسنیو خپاره شوي، ګن کسان لیدل کېږي، چې د ښاغلي دوستم هرکلي لپاره د بلخ مرکز مزار شریف کې یو ځای شوي دي.
داپه داسې حال کې ده چې جنرال دوستم نن هیواد ته له راستنېدا سره سم دطالبانو خلاف دجګړو لاپې ووهلې.
دوستم دطالبانو خلاف په ډېرې سخت مزاجۍ مشهور دی، خوطالبان هم دده د له مینځه وړلو کوشش کوي، اوپه لسګونو حملې یې ورباندې کړې هم دي، څه موده وړاندې په فاریاب کې دنوموړي کاروان دطالبانو له یو سخت برید لاندې راغی، چې دنوموړي نږدې اومهم قومندانان پکې ووژل شول.
