ایا مور څوک پر امریکایانو ساتي!؟
ليکوال: انجنیر عمیر ویاړ
یو څوک چې تر خولې څه باسي باید لومړی یې له ځان سره فلټر کړي بیا یې له خولې وباسي خو شته ځینې داسې خلک چې څه پر خوله ورځې نو وایي یې او دا ورته بې تفاوته وي چې که ځان یې وکنځلو او یا خپل مور او پلار.
له یوې مودې راهیسې په ځینو عامو او آن چارواکو کې دې خبرې ډېر شهرت موندلی چې وطن مو مور ده، خو بلې خواته بیا فکر نه کوي چې آیا د مور ساتنه باید پخپله وکړي او که پر امریکایانو یې باید وساتي؟
دا خبره مونږ هغه مهال کولای شو چې امریکایان له خپلې خاورې وشړو او خپله مور په خپله وساتو، نه د مور پر دښمنانو.
اصلا خبره داده چې چا دین نه وي لوستلی هغه تل پر همداسې ببولالو بوخت وي، د بېلګې په توګه به پخواني خلقیان او پرچمیان او ډاکټر نجیب راواخلو چې ویل به یې یا وطن یا کفن!؟ حال دا چې وطن یې هم پر روسانو خرڅولو او کفن هم مجاهدینو ورواغوست.
او یا د ډاکټر نجیب دا کرغېړن شعار چې سر ورکوو خو سنګر نه ورکوو؟! چې اصلا شعار یې عملا برعکس شو، هم یې سر وخوړ او هم یې سنګر مجاهدینو ونیو.
اوس د همدغو بیدینانو له بقایاو څخه یو هم په اصطلاح اوسنی دفاع وزیر دی چې په ډېر وقاحت سره یې وویل چې د نجیب شعار راژوندی کوم خو په لږ څه توپیر سره او هغه داسې چې سر وهو او سنګر نیسو!؟!
خو وبه کتل شي چې کله امریکایان پرې مالي، لوجستیکي او تسلیحاتي مرستې ودروي نو معلوم به شي چې څه ډول د چا سر وهلای شي او څه ډول به د اسلام سنګر ونیولای شي، سره له دې چې ویل کیږي چې نوموړی د پخوانیو مجاهدینو له کورنۍ څخه دی خو متاسفانه چې امریکایي باد راوړو ډالرو دومره نیشه کړی چې اوس د کمونستانو پر پله باندې پل ږدي، خو لرې نده چې د کمونستانو په څېر به یې پایله هم ډېره بده وي.
خو هغه چاته شرم په کار دی چی وایي چې وطنه مور یې زمونږ خو د امریکایانو د وېستلو په فکر نه دی چې په مور کې یې امریکایان ګرځي او دی بیا هم فخر کوي.
