د ملي امنیت سلاکار یوځل بیا له غونډې شړل شوی
کابل ټکی کام ( یک شنبه، ۱۱ وری، ۱۳۹۸ ل)
راپورونه کاږي چې د ولسمشرۍ ماڼۍ له ټینګار سره سره د امریکایي ځواکونو عمومي قومندان جنرال سکاټ مېلر د ملي امنیت سلاکار حمدالله محب ته اجازه نه ده ورکړې، ترڅو په هغه ناسته کې ګډون وکړي، چې تیره شپه په کابل کې د ناټو عمومي قومندانۍ دننه د لوړ پوړو افغان او امریکایي چارواکو ترمنځ دائره شوې وه.
دې ناندریو وروسته ترهغې زور واخیست چې څو ورځې وړاندې دملي امنیت سلاکار حمدالله محب دکمزورې ډیپلوماسۍ له امله دافغانستان لپاره دامریکا په ځانګړي استاځي زلمي خلیلزاد نیوکې وکړې، اوهغه یې دافغانستان دمذاکراتو په روانه پروسه کې په شخصي ګټو تورن کړ، چې بیا دامریکایي چارواکو لطرفه له سختو بندیزونو سره مخ شو، داهمغه لړۍ ده چې امریکايي چارواکو له محب سره دخپلو روابطو دقطع کېدو اعلان کړی وو.
