(کابل ټکی کام ۱۳۹۸، وری ۱۲)
د سرپل ولايتي چارواکي وايي، تيره شبه طالبانو په سوزمه قلعه ولسوالۍ کې پر يوه پوځي مرکز بريد کړی چې عسکرو ته پکې مرګ ژوبله اوښتې ده.
د سرپل د والي وياند ذبیح الله اماني وايي، طالبانو د يادې ولسوالۍ مربوط په ګورکاب سيمه کې د دولتي ځواکونو پر يوې قرابرګاه بريد وکړ زياتوي د بريد په ترڅ کې پنځه عسکر وژل شوي، درې زخميان دي، شپږ تنه نور طالبانو ژوندي نيولي دي.
تر اوسه طالبانو په دې اړه څه نه دي ويلي خو رسنيو ته يې په ليږلې يوه جلا خبرپاڼه کې ويلي چې د بادغيس په مرغاب او د روزګان په مرکز ترينکوټ کې يې دوه پوځي قرارګاوې نيولي، څلورڅلويښت عسکر وژل شوي او په زیاته اندازه وسلې او مهمات د طالبانو لاسته ورغلي دي.
