خلیلزاد: موږ نن د یوه ټول شموله افغان ټیم پر ضرورت خبرې وکړې
د افغان سولې لپاره د امریکا ځانګړي استازي زلمي خلیلزاد نن په ارګ کې د حکومتي چارواکو په ګډون له یو شمېر نورو سیاسي مشرانو سره لیدنه کړې ده
زلمي خلیلزاد تر دې لیدنې وروسته په یوه ټویټ کې ویلي، چې موږ د یو ټول شموله افغان ټیم په ضرورت خبرې سره وکړې
د خلیلزاد په ټکو: ” ما د اشرف غني، عبدالله عبدالله، حامد کرزي، سرور دانش، محقق، عبدالرب رسول سیاف، ګلبدین حکمتیار، صلاح الدین رباني، خلیلي، داودزي، رحیمي، او ابراهیمي سره وکتل او د یو ټول شموله افغان ټيم په اړتیا مو بحث سره وکړ؛ څو د دوحې مجلس ته هم امادګي ونیول شي، او هم افغان ولس ته د سولي د عاجلي غوښتنې ته ځواب ووایو”
زلمی خلیلزاد د خپل شپږني سفر په ترڅ کې درې ورځې کیږي، چې په کابل کې دی او دلته یې د سولې په اړه له ډیر شمیر سیاسي مشرانو او چارواکو سره لیده کاته کړي دي
نوموړی تیره ورځ کندهار ته هم د قومي مشرانو سره د لیدنې په موخه تللی وو
خلیلزاد به د خپل دې سفر په اخر کې له طالبانو سره هم جرګه کیږي او تمه ده، چې دا ځل به دواړه لوري په یوه نهایي پریکړه موافقه سره وکړي
