پاکستان د هند ۳۶۰زندانيان خوشې کوي
(کابل ټکی کام، ۱۳۹۸، وری ۱۷)
د پاکستان د بهرنيو چارو وزارت وايي، په دغه هیواد کې د هندوستان ۳۶۰ زندانيان خوشې کوي.
خبر زياتوي، د دغه زندانيانو له ډلې ډيری يې هغه ماهي نيونکي دي چې په غير قانوني توګه د پاکستان اوبو ته داخل شوي او پاکستاني ځواکونو نيولي دي.
پاکستان د دغه زندانيانو د خوشې کولو اعلان پرون د جمعې به ورځ کړی دی.
د پاکستان د بهرنيو چارو وزارت وياند محمد فيصل پرون خبريالانو ته وويل، چې د هندي زندانيانو خوشې کول به په څو پړاوونو کې ترسره شي چې په څلورو مرحو کې به ټول خوشې شي.
د محمد فیصل په وينا، د يادو زندانيانو د زندان موده پوره شوې ده.
د هندي کشمير تر واک لاندې پلواما سيمه کې په هندي پوځيانو تر برید وروسته د دواړو هيوادونو تر منځ اړيکې ترینګلي شوي چې شنونکي د پاکستان تازه اقدام د اړيکو رغولو یوه هڅه بولي.
