کابل ټکی کام ( دو شنبه، ۱۹ وری، ۱۳۹۸ل)
دسعودي ترمشرۍ لاندې ایتلاف په یمن کې په عامو خلکو بمبارۍ کړي، راپورونه وايي چې په دغو هوایي بریدونو کې لږ تر لږه ۱۱ کسان وژل شوي او تر سلو ډېر نور ټپیان دي. چارواکي وایي دا بریدونه پرون د یمن په پلازمېنه کې د وسله والو تر کنټرول لاندې سیمو کې شوي دي. د ځایي روغتونونو مسوولینو ویلي چې دا بریدونه په یو ښوونځي شوي دي او زیاتره قربانیان یې ماشومان دي. د سعودي تر مشرۍ لاندې ایتلاف بیا په یاده سیمه کې د هوایي بریدونو راپورونه رد کړي دي.
سعودي اویمین له څو کلونو راپدېخوا وخت ناوخت په یو بل بریدونه کوي، چې ډېری وخت دواړو خواوو ته ملکي وګړي وژل کيږي.
