نن ماښام د کابل ښار په نهمه امنیتي حوزه کې د پولیسو په رینجر موټر ماین چاودنه شوې ده
د چاودنې له امله اووه تنه پولیسو ته مرګ ژوبله اوښتې ده
د کورنیو چارو وزارت د دې پیښې تائید کړی دی
د دې وزارت مرستیال ویاند نصرت رحیمي ویلي چې په برید کې ټوله مرګ ژوبله پولیسو ته اوښتې او په وینا یې چې ټپیان روغتون ته انتقال شوي دي
د برید مسؤلیت لا هم چا نه دی منلی
دا په داسې حال کې ده چې دفاع وزارت د الخالد په نوم نوي پسرلني عملیات اعلان کړي او طالبانو یې هم په خلاف تیره ورځ د الفتح په نوم عملیات اعلان کړل
