(کابل ټکی کام، ۱۳۹۸، وری ۲۵)
د غزني د والي وياند عارف نوري وايي، چې نن سهار د دغه ولايت د پوليسو د ښوونې او روزنې آمر وژل شوی دی.
د نوري په وينا، د پوليسو د ښوونې او روزنې پر آمر شاپوربختيار نن سهار نامعلومه وسله والو د البيروني ښارګوټي شاوخوا کې وسله وال برید کړی او نوموړی يې وژلی دی.
نوموړی وايي، د هغه د وژنې په اړه څيړنې پيل شوي دي.
تر اوسه چا د دغه بريد مسؤليت په غاړه نه دی اخيستی.
خو طالبان وخت ناوخت د غزني ښار اړوند سيمو کې د دولت نظامي کسان، چارواکي او پوليسو د خپلو بريدونو هدف ګرځوي.
