د هلمند په نادعلي ولسوالۍ کې تیره شپه د ملي اردو د سرتیرو یو قومندان له دوو ساتونکو سره یوځای وژل شوی دی
۲۱۵ میوند قول اردو هم د قومندان وژل کیدل تائید کړي او ویلي یې دي، چې د چاه نجیر په سیمه کې د درېیمې لوا د درېیم کنډک قومندان شیر احمد د طالبانو په کمین کې وژل شوی دی
که څه هم ۲۱۵ میوند قول اردو د نورې مرګ ژوبلې په اړه څه نه دي ویلي خو طلوع ته یو بلې امنیتي سرچینې ویلي چې ۴ تنو نورو امنیتي ځواکونو ته هم مرګ ژوبله اوښتې ده
د طالبانو ویاند قاري یوسف احمدي هم په خپل ټویټر د نوموړي قومندان د وژل کیدو خبر ورکړی دی
دا په داسې حال کې ده چې طالبانو د تیرې جمې په ورځ نوي پسرلني عملیات اعلان کړل، چې له هغې ورځې راپدېخوا یې خپلو بریدونو ته ډیر زور ورکړی دی
