(کابل ټکی کام، ۱۳۹۸، غویی ۴)
د افغانستان د عامې روغتيا وزارت مسؤولين وايي، هره ورځ په افغانستان کې د کولرا يا نس ناستي ناروغۍ له کبله اووه ويشت ماشومان ژوند له لاسه ورکوي.
د یاد وزارت د معلوماتو له مخې، پخوا به شاوخوا پنځوس ماشومان له دغه ناروغۍ مړه کيدل خو په وروستيو کې په دې اړه عامه پوهاوی زيات شوی چې د پخوا په پرتله د ماشومانو په مړه کيدلو کې نیمايي کموالی راغلی دی.
د دغه وزارت وياند وحيد مایار وايي، نس ناستی موسمي ناروغي ده چې په دوبي کې ډيره ماشومان پرې اخته کيږي.
د روغتياپالانو په وينا، دغه ناروغي د ناپاکو اوبو څښلو، له خوراک مخکې او تشناب ته له تلو وروسته د لاسونو نه وينځلو او نورو ورته ډول بې باکيو له کبله منځه راځي.
