ليکوال احمد منصور
ويل کېږي چې روانه اونۍ به په کابل کې هغه مشورتي جرګه دايره شي چې له څو مياشتو را پدې خوا د کابل ادارې له خوا خورا ﺯيات تبليغات ورته کېدل خو په نوموړې جرګه کې يو شمېر سياسونو،د کرﺯي،عبد الله په شمول پخوانيو او اوسنيو چارواکو، د يو شمېر تنظيمو مشرانو نوموړې جرګه تحريم کړى او د سولې خلاف يې بللې.طالبانو نوموړې جرګه د سولې د مﺫاکراتو په مخکې خنډ بللې له اولس څخه غوښتي چې ګډون پکې و نه کړي
اوس پوښتنه دلته دا مطرح کېږي چې د اشرف غني اهداف له نوموړې جرګې له دايرولو څه دي ؟
دا خو لکه د لمر په څېر روښانه ده چې غني له چوکۍ څخه نه تېريدونکۍ دى د خپل واک د ساتلو لپاره له هېڅ کار څخه يې درېغ يې نه ده کړى دوه مثاله يې درته ښايم چې د خپل واک د ساتلو کوشش يې کړى
١-د سترې محکمې له خوا يې د خپل واک موده تمديد کړه حال داچې د اساسې قانون له مخې د ځاى ناستي اولسمشر وخت پوره شي واک به يا خپل نايب ته سپاري يا د پارلمان مشر ته خو غني خپل اساسي قانون ته هم احترام ونه درلود او د چوکۍ مينه پرې ور غالبه وه.
٢-لکه څنګه چې تاسو ته معلومه وه څو ورځې دمخه په قطر کې د طالبانو او افغان سياسونو بين الافغاني غونډه دايرېدونکې وه خو د غني له خوا د دوه نيم سوو ګډون کوونکو لېست خپرول غونډه معطله کړه غني په رښتيا د مﺫاکراتو غم نه وه وړى نوموړى کنفرانس د ده واک ته ستر خطر وه او ده لپاره همدغه د غونډې د سبوتاژ کولو لپاره يوه ښه وسيله وه
راځو د مطرح شوي سوال ځواب ته:
د غني اهداف له مشورتي جرګې څخه په لاندې ډول دي:
١- نړيوالو ته داسې ښودل چې ګواګي ﺯه د هېواد والو د نظرونو اورېدونکى يم .
٢- هېواد والو ته داسې ښودل چې ستاسو د نظرونو هنداره ده دا جرګه.
٣-دا چې نوموړې جرګه د غني له خوا دايره شوې نو ضرور به هغه اشخاص پکې راټول کړي وي چې له ده سره هم نظري وي غني وايي سياسون په شخصي ډول له طالبانو سره کتلاى نه شي بلکې د حکومت په نمايندګۍ به ورسره ګوري يعنې غني غواړي ددې جرګې له لارې سياسون د تاثير لاندې را ولي.
٤-له نوموړې جرګې څخه هدف له راتلونکو بين الافغاني مﺫاکراتو سبوتاژ کول
يعنې غني له نوموړې جرګې څخه د سياسي جګړي په توګه کار اخلي غني تر خپل حده پورې کوشش کړى او کوي يې چې د سولې روان بهير او مﺫاکراتو مخه ډب کړي هغه که د طالبانو له خارجيانو سره مذاکرات وي او که له افغاني جهتو سره، ﺯه حيران هغو ته يم چې له يوې خوا د سولې چيغې وهي او له بلې خوا د سولې د دښمن تر شا ولاړ دي او ملاتړ يې کوي.
