طالبانو ملا فاضل د مذاکراتي ټیم د مرستیال په توګه ټاکلی دی
کابل ټکی کام ( چار شنبه، ۱۱ غوايي ، ۱۳۹۸ل)
طالبانو له امریکایي لوري سره د خپل مذاکراتي ټیم لپاره ملا فاضل اخوند د مرستیال په توګه ګمارلی دی.
ملا فاضل اخوند د طالبانو له مخکښو او مهمو مشرانو څخه ګڼل کیږي او د طالبانو د بسنټګر ملا محمد عمر مجاهد له نږدې ملګرو څخه دی.
نوموړي ګوانتنامو زندان هم تیر کړی چې څو کاله وړاندې د یو امریکایي جنرال بوبریګډال په سر له څلورو تنو نورو مهم طالب مشرانو سره تبادله شو.
نن په دوحه کې د طالبانو او امریکانو ترمنځ شپږم پړاو خبرې پیل شوي دي.
د خبرو تر پیل مخکې زلمي خلیلزاد او د طالبانو د مشر سیاسي مرستیال ملا عبدالغني برادر سره لیدلي.
د طالبانو د راپور له مخې ملا برادر اخوند له زلمي خلیلزاد سره په لیدنه کې واضحه کړې چې په دې ځل خبرو کې به د تیرو غونډو په تعقیب په همهغه دوو موضوعاتو خبري کیږي او په وینا یې چې تر دې وړاندې نورو خبرو ته نشو داخلیدلای.
