عبدالله عبدالله ترکیې ته تللی
کابل ټکی کام ( پنج شنبه، ۱۲ غوايي ، ۱۳۹۸ل)
اجرائیه رئیس ډاکټر عبدالله عبدالله نن ترکیې ته تللی دی.
د اجرائیه ریاست له دفتره په خپره شوې خبرپاڼه کې ویل شوي چې ډاکټر عبدالله عبدالله د ترکیې د ولسمشر رجب طیب اردوغان په رسمي بلنه ترکیې ته تللی دی.
عبدالله عبدالله به هلته د ترکیې له حکومتي چارواکو سره وګوري.
نوموړی به همدا راز د ترکیې له ولسمشر رجب طیب اردوغان سره هم وګوري او د افغان سولې په اړه، د دواړو هیوادونو د اړیکو په څرنګوالي به سره وغږیږي.
اجرائیه رئیس په داسې حال کې ترکیې ته تللی چې په کابل کې د لویې مشورتي جرګې تر عنوان لاندې لویه جرګه ناسته ده او نن یې درېیمه ورځ ده.
عبدالله عبدالله یو له هغو کسانو څخه دی چې د ولسمشر غني لخوا جوړه شوې لویه جرګه یې د هغه کمپایني هڅه بللې او د ملت په ګټه یې نه بولي.
