کابل ټکی کام ( یک شنبه، ۱۵ غوايي ، ۱۳۹۸ل)
د امریکا ولسمشر ډونالډ ټرمپ د شمالي کوریا د لنډ واټنه توغندیو له ازمویلو وروسته ویلي، ډاډه دی چې له دې هېواد سره یوې هوکړې ته رسېدای شي.
شمالي کوریا له امریکا سره تر خبرو وروسته څو نور توغندي هم ازمویلي دي. ټرمپ پر خپله ټویټر پاڼه لیکلي، کېم جونګ اون له ده سره ژمنه کړې ده او بلاخره به له دې هېواد سره د اټومي فعالیتونو په اړه یوې موافقې ته ورسېږي.
تر دې وړاندې هم سپینې ماڼۍ ویلي وو چې د شمالي کوریا له خوا د توغندیو له تازه ازموینو خبر دي او د یاد هېواد نظامي اقدامات له نږدې څاري.
ټرمپ له ایران اوشمالي کوریا سره دنورو هېوادونو پۀ نسبت سخت برېښېده، خو داچې اوس له ایران سره دپخوا پشان سخت، او شمالي کوریا سره یې په خپله پالیسۍ کې نرمښت راوستی، لا مالومه نده چې علت به یې څه وي.
