غورځنګ
دا چې تېره ورځ د فراه ولايت په بکوا ولسوالۍ کې د غني او غرب ګډو ځواکونو خپله وحشي بمباري کړې او په لسګونو ملکي وګړو ته يې مرګ ژوبله اړولې او دې ته ورته د هېواد په نورو سيمو کې هم د ولسمشر غني په واکمنۍ کې چاپې او وحشتونه تر سره شوي دي چې زياتو ملکي وګړو ته يې مرګ ژوبله اړولې ده نو په دې اساس دلته يادوو چې دغه ډول بمبارونه د څه لپاره تر سره کېږي او ولسمشر د دغه ډول بمبارونو په نرڅ کې څه غواړي؟
له کومه وخته چې د ولسشمر غني واکمني پيل شوې ده له هغه وخته بيا تر اوسه پورې ملکي تلفات هم اوج ته رسېدلي دي که څه هم ولسمشر غني ادعا کوي چې منتخب رئيس جمهور دی خو شنونکي بیا وايي چې ولسمشر غني له دغه ډول بې رحمه بمبارونو څخه چې په ملکي افغانانو باندې يې د خپلو غربي بادارانو په مرسته تر سره کوي؛ د خپل واک د بقا هدف لري او غواړي چې د غرب جوړه کړې ډيموکراسي دلته پلي کړي.
د غني له واک ته رسېدلو سره سم پر عامو او ملکي افغانانو باندې د امريکا وحشتونه پيل شول چې دا دی بېلګې او مثالونه يې مونږ او تاسو تر اوسه پورې کتلي هم دي او ګورو يې هم.
خو پوښتنه دا ده چې ولسمشر غني دا بمبارونه د څه لپاره تر سره کوي؟
نو دلته خو د دې پوښتنې ځواب جوت دی چې ولسمشر غني دغه ډول بمبارونه د څو اهدافو لپاره ترسره کوي او دا هغه اهداف دي چې ولسمشر ته د واک ته رسېدلو په لومړيو شېبو کې ورکړل شوي دي او ورته ويل شوي دي چې له دې اهدافو پرته ته هېڅ ډول اهداف نه لرې، دغه اهداف که څه هم د غني له ګټې ها خوا د غرب ګټې تأمينوي خو بيا هم ولسمشر غني د خپل هغه طبيعت له مخې چې ده ته له خپلې تېرې کورنۍ په ميراث
پاتې دی؛ دغو اهدافو ته خوشبين دی او فکر کوي چې ګواکې دی په سمه لار روان دی ، په دې نه پوهېږي چې پر عام ولس بمبارونه څه ډول عواقب لري؟ او د واک د بقا او پاتې کېدنې لپاره نورې لارې چارې هم شته او که نا؟
بس د امريکا له لوري د فرمايشي ټاکنو په ترڅ کې د امريکا پر اوږو او زور سپور په کابل کې په تخت ناست دی په داسې حال کې چې هغه د چا خبره د خپل کور (رولا غني، طارق غني او مريم غني) واک هم ورسره نشته.
نو په ځغرده ويلی شو چې ولسمشر غني پر عام ولس دغه ډول بمبارونه د لاندې اهدافو لپاره تر سره کوي:
چې د هغو له جملې څخه يې يو هم د غربي ډيموکراسۍ د ترويج هدف دی چې غرب غواړي د خپلو لاسپوڅو پواسطه په اسلامي نړۍ کې خپله ناقصه ډيموکراسي ترويج کړي. خو دا چې مسلمانانو ته الله ج د خپل خواږه پيغمبر حضرت محمد مصطفی صلی الله عليه وسلم پواسطه خپل خوږ دين رالېږلی دی نو په دې اساس بل هېڅ داسې قانون نشته چې د خدای ج د دغه رالېږل شوي قانون بديل وګرځي ځکه نو مسلمانان له خپل دغه قانون څخه په هر ډول دفاع کوي او غربي ناقصې ډيموکراسۍ ته غاړه نه ږدي. نو د دې لپاره چې د غرب د اتلسو کلونو مصارف بې ځايه لاړ نشي. پر عام ولس باندې درانده بمبارونه تر سره کوي تر څو د زور له لارې پرې دغه ډيموکراسي ومني.
خو د دغو ټولو اهدافو تر څنګ د غني هدف چې د يوه سالم عقل د درلودونکي له نظره ډېر محدود دی، هغه د واک بقا ده چې غني په هېڅ صورت نه غواړي چې له واکه لرې شي، او دا ډېره محدوده او ناولې هيله او اميد دی چې ولسمشر غني يې د غربيانو پر مټ او زور د عام ولس په بمبارد کې لټوي.
ولسمشر غني د خپل واک د بقا لپاره پر عام ولس باندې وخت پر وخت بمبارونه تر سره کوي او د دغو وحشتونو لپاره يې د امريکا په فرمائش له څو بې ضميرو او هغو څېرو څخه چې اصلاً نه کوم دين لري او نه هم پلار لري بلکې ولد زنا بلل کېږي، له دغه ډول خلکو څخه يې د صفر يک، صفر دو او نورو ډول ډول وحشيانه نومونو څو ډلې جوړې کړي دي چې د هغو پواسطه دغه ډول وحشتونه تر سره کوي، او کله چې په کومو ځايونو دغه ډول قطعې چاپه اچوي نو بيا نه د چا مقدسات پېژني او نه هم چېرته افغاني او اسلامي عنعنات او دودونه پېژني، بلکې په بې درېغه شکل دا هر څه توهينوي.
خو ولسمشر غني بايد خپل مفکر ماغزه په کار واچوي او درک کړي چې دلته شاه شجاع هم دغه ډول تمې او اميدونه لرل او د همدې ډول موخو لپاره به د انګرېزانو پر اوږوو سپور راغی او په کابل کې به د وک پر ګدۍ کېناست.
مګر خپلو موخو ته د رسېدلو پر ځای خاورو کش کړ.
ولسمشر غني دې ياد وي چې دلته امان الله خان هم د خپلې واکمنۍ په اوږدو کې د غربي ډيموکراسي د ترويج خوبونه ليدل او د دې خوبونو لپاره به يې په افغاني لباس، عنعناتو، افکارو اسلامي دودونو او نورو مقدساتو باندې رشخندې او ملنډې وهلې خو اخر د افغانانو ازار او زور تر اروپا ورسولو. او دغه ارمانونه يې له ځان سره څو سمندرونه ها خوا اروپا ته يوړل
ولسمشر غني ته دې په ياد وي چې دغه ډول ارمانونه او هيلې په نږدې دېره دوره کې تره کي، ببرک کارمل، امين او نجيب هم درلودل او همدا ډول وحشتونه به يې په افغانانو باندې تر سره کول چې په پای کې يې لومړنيو درېوو په خپلو منځونو کې سره ووژل او يو يې بيا د کابل په چوک کې په دا وځړول شو.
نو ولسمشر ته دې ياد وي چې پر عامو افغانانو د وحشتونو او ظلمونو په پايله کې چې دا دی اوس امريکايان هم په وتلو دي، شايد ستا لپاره هم کوم چوک او کوم څلورلارې انتظار باسي.
