کابل ټکی کام ( چهار شنبه، ۱۸ غوايي ، ۱۳۹۸ل)
وسلوالو طالبانو په کابل کې دننی برید دمسئولیت ترڅنګ دلوړې کچې مرګ ژوبلې ادعا هم کړې.
دوسلوالو طالبانو ویاند ذبیح الله مجاهد په یومفصل راپور کې دبریدګرو تعداد، اوهویت ښودلی، نوموړي لیکلي، لوموړی برید غرمه مهال دولس بجې پیل شو، چې لومړی تکتیکي چاودنه دکاونټرپارټ شبکې پر امنیتي حصارک ترسره شوه.
وروسته بیا درې تنه حمله کونکي هریو (حمزه دپروان، حذیفه دکنړ اوحافظ محمد دکندهار) چې په سپکو اودرنو وسلو، چاودېدونکو توکو، اور غورځونکو وسائلو سمبال وو، دیادې شبکې مرکز ته داخل شول اوهلته یې له لومړۍ چاودنې څخه پاتي بهرني اوداخلي روزونکي ترخپلو بریدونو لاندې ونیول.
مجاهد زیاتوي، دا مرکز له ډیرې مودې راهیسې دکشفي مجاهدینو ترڅار لاندې وو، په دې مرکز کې له ۴۰څخه تر۵۰تنه خارجي اولسګونه داخلي کارمندان اوسیدل چې وخت ناوخت به یې په هیواد کې وحشي پیښو ته لمن وهله.
مجاهد هغه ګنګوسې رد کړي چې ګویا دلته عام خلک وژل شوي، اوزیاته کړې یې ده چې یاده شبکه دامریکايي (usaid) په مالي مرسته دافغان انجیل په نامه برنامه هم ترلاس لاندې لري چې زموږ دټولنې په انحراف اوبې دینۍ کې ورڅخه کار اخلي.
مجاهد زیاته کړې چې هرڅومره نظامي امریکایان زموږ دهیوادوالو جسمي تخریب کاوه، اوهېواد وال مو په جسمي کچه ځپل، همدارنګه دې شبکې مو دهېوادوالو معنوي او روحاني دنیا ړنګوله، اودتباهۍ لپاره یې ملاتړلې وه.
مجاهد وايي، هرهغه نظامي، اقتصادي، اواستخباراتي شبکه چې زموږ هېواد والو ته ضرر رسوي، دوی به یې پرېنږدي، اوترخپلو بریدونو لاندې به یې راولي.
