طالب ویاند ذبیح الله مجاهد د رسنیو ازادي تر سوال لاندې راوستې
د طالبانو ویاند ذبیح الله مجاهد په خپل ټویټر “عجیبه د بیان ازادۍ او د رسنیو بې طرفي نه ده!!؟” تر عنوان لاندې ټویټ کړی دی
نوموړي ویلي چې رسنۍ د دروغو خبر ډیر په شد او مد سره خپروي خو په وینا یې چې د دوی له لوري ورکړل شوی راپور سره له ټولو موادو هېڅ نه نشروي
د مجاهد په خبره چې د دوی په سیمه کې که په دروغو یو کس د استخباراتو د مسؤل په توګه ونیول شي نو رسنۍ یې داسې نشروي لکه خیبر یې چې فتح کړی وي
“د اسلامي امارت په سیمو کې یوکس په دروغو سره د عشر او زکات یا استخباراتو د مسئول په نوم ونومول شي، بیا يې دنیولو ادعا وشي.
ټولې رسنۍ يې په دومره شد او مد نشر کړي چې ته به وايي خیبر يې فتح کړی.”
مجاهد د تیرې ورځې یوه خبر ته چې د نوموړي په ټویټر خپور شوی وو اشاره کړې او زیاته کړې یې ده چې سره اسنادو د رسنیو په واک کې ورکړل شوې خو لا هم هېڅ نه دي پرې نشر شوي
د مجاهد په ټکو”خو د اسلامي امارت مجاهدینو پرون په غور ولایت کې د چارسدې په نامه بسته ولسوالۍ نیولې، خبر، جزئيات او اسناد يې هم رسنیوته په واک کې ورکړي، خو تر اوسه يې هيڅ رسنۍ هم د نشر زحمت نه دی ایستلی.
ته وایی بې طرفۍ همداسې وي؟”
د یادونې وړ ده چې په افغانستان کې د رسنیو بې طرفي هر وخت تر سوال لاندې راغلې او ټولې رسنۍ د حکومت په پلوۍ تورنې شوي دي
ځینو رسنیو خو په طالبانو پسې ناوړه تبلیغات هم کول چې بیا د طالبانو له سخت غبرګون سره مخ شول او په خپل نظامي اهدافو کې یې شامل کړل
طالبان هر ځل وایي چې دوی د رسنیو ازادي ته احترام لري خو بار بار یې له رسنیو غوښتنه کړې چې دوی هم خپل مسؤلیت په سوه توګه سره ادا کړي
