جواد ظریف هند ته تللی
کابل ټکی کام( سه شنبه، ۲۴غوایي، ۳۹۸)
د ایران د بهرنیو چارو وزیر جواد ظریف هند ته تللی او هلته یې له هندي چارواکو سره لیدلي دي.
د هند د بهرنیو چارو وزارت ویاند رویش کومار ویلي چې جواد ظریف له خپلې هندۍ سیالې سوشما سواراج سره لیدنه کړې او د دواړو هیوادونو په اړیکو یې بحث سره کړی دی.
د کومار په وینا چې دوی دواړو د سیمې او افغانستان په اړه هم خبرې سره کړي دي.
جواد ظریف په داسې حال کې هند ته تللی چې ایران د امریکا له سختو اقتصادي بندیزونو سره مخ دی.
هند هم یو له هغو پنځو هیوادونو څخه دی چې د امریکا د بندیزونو په لړ کې نشي کولای له ایران څخه تیل واخلي.
امریکا ویلي وو چې د مې میاشتې له لومړۍ نیټې وروسته که جاپان، ترکیې، هند، چین او جنوبي کوریا له ایران څخه تیل واخستل نو دوی به هم د امریکا له بندیزونو سره مخ شي.
