کابل ټکی کام (سه شنبه، مرغومی ۲۲مه، ۱۳۹۴ ل): له فراه ولایت پشتکوه ولسوالۍ نه په رارسیدلي خبرکې ویل شوي چې تېره ورځ سهارمهال شاو خوا لس بجې د محمد شاه کلي سیمه کې هغه مهال سخته نښته رامنځ ته شوله کله چې یو شمير طالب وسلوال په یادې سیمې کې د افغان امنیتي ځواکونو له لوري محاصره شول.
د خبر له مخې محاصره طالبانو لږ وخت لپاره مقاومت وکړ، چې نور کومکي طالبان سیمې ته ورغلل او په افغان امینتي ځواکونو يې برید پیل او محاصره يې ماته کړه .
د طالبانو ویاند ذبیح الله مجاهد هم د یوې خبر پاڼې په ترڅ کې د جګړې په اړه معلومات ورکړي او زیاتوي، چې دغه برید له سپکو اودرنو وسلو کارواخستل شو دماښام تر ۷ بجوپوري یې دوام وکړ .
مجاهد زیاتوي دبریدپه پایله کې افغان امنیتي ځواکونو تلفاتوپه اوښتلو سره له سیمې و تښتېدل او ددوي مجاهدين له محاصرې خلاص شول .
مجاهد همدارنګه وايي، چې دبرید په مهال د دښمن ۲ټانګونه په بشپړه توګه ویجاړ ۳تنه عسکر قتل ۴ نورمرګوني ټپیان شول .
او همدارنګه د خپلو ۳ تنه ملګرو ټپي کېدلو او د ۲ تنو نور وژل کېدو خبر هم ورکړی .
سلیم بریال
