کابل ټکی کام (سهشنبه، مرغومی ۲۲مه، ۱۳۹۴ ل):
له المان نه خپرېدونکې شپیګل مجلې په خپل ګڼه کې لیکلي، چې دوي د ناټو د سروې یو محرم راپور ترلاسه کړی چې په کې ویل شوي دي افغان ملي پوځ له طالبانو سره د جنګ وړتیا نه لري .
ناټو دغه سروې ددې لپاره ترسره کړې، چې معلومه کړي د بهرنیو پوځونو شتون ته په افغانستان کې څومره اړتیا ده .
د افغان ملي اردو په باب ویل شوي وه، چې دغه د نړیوالې ټولنې په مرستو چوړه شوي اردو د جنګ بشپړه وړتیا لري .
شپیګل دغه راز ويلي دي، چې دغه پټ راپور چې دوي تر لاسه کړی په ۲۰۱۵ میلادي کال کې بشپړ شوی او د محرمیت مهر پرې لګېدلی .
د شپییګل مجله کاږي، چې ټول هېواد د ۱۰۱ کنډکونه لري، ایله یو کنډک دجګړې وړتیا لري او ۳۸ نور بیا داسې کنډوکونه دي، چې ډيرې ستونزې لري، هر کنډک شاوخوا ۶۰۰ سرتیري لري، چې په هیڅ صورت په جګړه کې عملي ګډون نه دی کړی.
د شپیګل له قوله، دغه راپور هغه مهال دچارواکو او نړیوالو پام دځان لور ته ور واړوه، چې په افغانستان کې دناټو عمومي قومندان جنرال کمپل دافغانستان په سویل کې وضعیت ترینګلی وښود.
د شپیلګل مجلې دغه راپور په داسې وخت کې خپریږي، چې دافغانستان ملي اردو په تېر ۲۰۱۵ميلادي کال کې هره ورځ نږدې ۲۲ تنه وژل کېدل، دا سلنه د ۲۰۱۴ ميلادي کال په نسبت ۴۲٪ ته لوړه شوې ده.
سیاسي کار پوه سعید کريمي وايي، دافغان ملي پوځ ځواک او وړتیا په هکله د لویديدیزو مشرانو څرکندونو حیران کړی یم کله دومره ستاینه وکړي، چې افغانستان کې د بهرنیو پوځونو اړتیا نه ليدل کيږي، کله بیا دومره کمزوري وښودل شي چې افغان پوځ نه د ملت توقوعات وشلېږي.
د کريمي په وینا، اصلي حقیقت خو دادی، چې امریکا او لوېديز و هېوادونو افغان ملي پوځ په برخه هغسې مرستې ونه کړې کومې چې مناسبې او اړينې وې، ټولې مرستې او ژمنې يې د خپلو سیاسي لاس ته راوړنو لپاره وې، هغه اړین تجهیزات او وسائل په لاس ورنکړل شول کوم چې هغوي يې باربار ژمنې کولې .
په پای کې کريمي وايي، په داسې حساس وخت کې د محرمو اسنادو افشاکولو مانا دادی چې په ملې پوځ د خلکو بې باوري راپيدا شي، چې د بهرنیو پوځونو راتګ ته بېرته بله لار جوړه شي .
سليم بریال
