(کابل ټکی کام، ۱۳۹۸، غویی ۲۸)
په اندونيشيا کې د دغه هيواد هوايي ځواکونه په یوه عجيبه طريقه د خپل هيواد خلک د پيشلمي لپاره له خوبه راپاڅوي.
د دغه هيواد هوايي ځواکونه د پيشلمي پر مهال د لوړ اواز لرونکې جيټ الوتکې پورته کوي او خلک له خوبه پاڅوي.
د اندونیښیا هوايي چلند ادارې په يوه ټويټ پيغام کې ويلي، چې دا ځل به الوتکې د تربيتي پيلوټانو له خوا الوزول کيږي او د پيشلمي پر وخت به د هيواد په لويو ښارونو پرازونه کوي.
د نړۍ په بيلابيلو هيوادونو کې د پيشلمي لپاره د خلکو د پاڅولو ډول ډول طريقې کارول کيږي چې په ځينو ځايونو کې په ډولونو، د لاسپیکر په اوزانو، د دروازو په ټکولو او يو بل ته په غږونو کولو خلک پيشلمي ته راپاڅيږي خو د الوتکو له لارې پيشلمي ته د خلکو د پاڅولو یوه دلچسپه طریقه ده.
پخوا به خلکو د چرګانو له اذانونو، د شپې په ټيمانو وهلو، یا د سپينږيرو په ويښ پاتې کيدلو پيشلمي ته بیدارېدل او یا به هم خلک د ستورو په څارولو پيشلمی کاوه او بنداوه.
