د ویسټ انډیز لوبډلې کپتان: غواړم له افغان لوبډلې د خپلو ماتو بدل واخلم
کابل ټکی کام( شنبه، ۲۷غوایي، ۱۳۹۸)
د ویسټ انډیز ملي لوبډلې کپتان جایسن هولډر ویلي چې له افغان ملي لوبډلې به د خپلو ماتو بدل اخلي.
د هولډر په خبره چې د۲۰۱۹ نړۍ وال جام سیالیو کې له افغانستان سره لوبې ته منتظر دی.
هولډر د افغان ملي لوبډلې وړتیا ستایلي او زیاته کړې یې ده چې افغانستان یو ښه ټیم دی او ورځ تر بلې مثبت تغیر کوي.
دی وایي چې د ۲۰۱۸غوراوي سیالیو کې یې له افغانستانه دوه لوبې بایللي دي.
د هولډر په خبره چې د ۲۰۱۹نړۍوال جام سیالیو کې به دی له افغانستانه د خپلو ماتو بدل اخلي.
د یادونې وړ ده چې د روانې میاشتې په ۲۸مه نیټه به په لندن کې د ۲۰۱۹نړۍوال جام سیالۍ لومړۍ لوبه بیل شي.
