کابل ټکی کام( دوشنبه، ۳۰غوایي، ۱۳۹۸)
سهار وختي د حوثي یاغیانو لخوا د سعودي په خاوره دوه توغندي چې بیلا بیل اهداف یې په نښه کول توغول شوي خو هدف ته تر رسیدو مخکې شنډ شوي دي.
د العربیه رسنۍ د راپور مطابق چې د یمن له لوري راتوغول شوی توغندی د دفاعي ځواکونو لخوا د طائف په سیمه کې په نښه او په هوا کې له کار وغورځول شو.
په همدې مهال بل توغندی چې د جدې په لور توغول شوی وو، هم د دفاعي ځواک لخوا پاس په هوا کې له شنډ سره مخ شوی دی.
د سعودي چارواکو تر اوسه د دې په اړه له رسنیو څه مالومات نه دي شریک کړي.
د حوثي یاغیانو د سعودي له حکومت سره ستونزه له ډیره وخته شته او په یمن کې د سعودي په مشرۍ ائیتلاف د حوثي یاغیانو په خلاف جنګیږي.
دا لومړی ځل نه دی چې د یمن لخوا په سعودي توغندي واریږي بلکې څو ځله وړاندې هم ورته کار شوی چې ډیری وخت هدف لګیدلی او ځیني وخت بیا له شنډ شره مخ شوي.
