کابل ټکی کام( پنجشنبه، ۲غبرګولي، ۱۳۹۸)
افغان ملي لوبډله به سبا د جمعې په ورځ د پاکستان له ملي لوبډلې سره یوه ورځینۍ سیالي ترسره کړي.
دا سیالي چې تمریناتي بڼه لري د نړۍوال جام سیالیو نه مخکې ترسره کیږي.
افغان لوبډلې تر دې وړاندې ۳ یو ورځنۍ سیالۍ له پاکستان سره کړې او درې واړه پاکستان ګټلي دي.
افغان لوبډله به همدا رنګه د پاکستان له لوبډلې سره تر سیالۍ وروسته د انګلستان له لوبډلې سره هم یوه ورځنۍ سیالي ترسره کړي.
افغان لوبډله د ۲۰۱۹م نړۍوال جام د سیالیو لپاره انګلستان ته رسیدلې ده.
د نړۍوال جام سیالۍ د روانې میاشتې په ۳۰مه نیټه پیلیږي او افغانستان به د جون په لومړۍ نیټه له اسټرلیا سره لومړۍ لوبه ترسره کړي.
