دوهم تعقیب: کورنیو چارو وزارت د مولوي ریحان وژل کیدل تائید کړل
کابل ټکی کام( جمعه، ۳غبرګولي، ۱۳۹۸)
نن شاوخوا یوه نیمه بجه د کابل ښار په نهمه امنیتي حوزه کې په یوه جمات کې دننه چاودنه وشوه.
د دې چاودنې هدف مولوي ریحان وو چې نوموړی پکې وژل شوی هم دی.
ویل کیږي چاودیدونکي توکي تر ممبر لاندې ورته ایښودل شوي وو.
چاودنه د “التقوی” په جمات کې ترسره شوې ده.
د کورنیو چارو وزارت د مولوي ریحان وژل کیدل تائید کړي او زیاته کړې یې ده، چې ۱۶ کسان نور هم ټپیان شوي دي.
د دې برید مسؤلیت تر اوسه چا په غاړه نه دی اخستی.
