(کابل ټکی کام، ۱۳۹۸، چنګاښ ۱۹)
که څه هم مستې خوړل ډيرې زياتې ګټې لري خو روغتياپالان وايي، چې د شپې له خوا مستې خوړل ځينې زيانونه هم لري چې بايد ځان ترې وساتل شي.
د ټايمز اف انډيا د راپور له مخې، د شپې له خوا د مستو خوړل د انسان په بدن کې زيات بلغم پيدا کوي، آن تر دې چې د ساه ايستلو په لاره کې هم د بلغمو پيدا کيدلو لامل کيدلای شي.
د شپې لخوا د مستو خوراک د تنفس سیستم د ستونزو سره مخامخوی او د ټوخی لامل ګرځی.
د روغتيا پالانو په وينا، که تاسې د شپې له خوا د مستو خوړل عادت وي نو د هغې پر ځای د شيدو استعمال زیات کړۍ چې هم د شپې له خوا خوړل ګټه لري او هم د مستو ښه متبادل دی.
