(کابل ټکی کام، ۱۳۹۸، زمری ۲۴)
د افغانستان د عامې روغتيا وزارت وايي، د لوی اختر په درېيو ورځو کې د کانګو ناروغۍ شل پيښې ثبت شوي او ښايي پر دغه ناروغۍ د اخته کسانو شمير نور هم زیات شي.
د یاد وزارت د معلوماتو له مخې، دغه پيښې په کابل، هرات او هلمند ولايتونو کې ثبت شوي دي.
کانګو یو ډول ناروغي ده چې د حيواناتو څخه انساناو ته بيا همدا ډول پر دغه ناروغۍ له اخته کسانو څخه نورو ته لېږدول کيږي چې لومړنۍ علامې يې شديده تبه، سردردي، د ملا شخوالی، زړه بدوالی، پر مخ تر پوټکی لاندې شنه ټکي او چې ډيره زياته شي بيا ورسره د خولې او پزې څخه وينه پيل کيږي.
د روغتيا وزارت د ساري ناروغيو د کنترول څانګې مشر شاه ولي معروفي وايي، که په چا کې هم د دغه ناروغۍ نښې څرګندې شي نو ژر دې د تداوۍ لپاره روغتون ته ولاړ شي.
په افغانستان کې لسګونه کسان د دغه ناروغۍ له کبله مړه شوي او د روغتيايي مسؤولينو په وينا سږ کال يې يوازې په هرات ولایت کې شپږ کسان مړه کړي دي.
روغتياپالان وايي، کانګو یا کرېميا ناروغي په حيواناتو کې د کوچنيو هغو خځنده و له لارې انسانانو ته لېږدول کيږي چې له حیواناتو وینه زبيخي او باید څارویو سره د مخ یدو پروخت لاسونو ته دستکشې واچول شي.
