کابل کې د امریکا سفارت مخې ته لاریون کوونکو د ګونتنامو بند خونې د تړلو غوښتنه وکړه

کابل ټکی کام ۰۳سلواغې/۱۳۹۴، احمدالله مهاجر
ګونتنامو زندان چې یوه وحشي بندخونې ده، او نن سبا یوازې افغانان نه، بلکې ټول بشر ورڅخه سخته کرکه لري، پر خلاف یې نن د ګونتنامو زندان څخه د خوشي شویو بندیانو له لوري په کابل کې د امریکا سفارت مخې ته لاریون وشو، او د دغه زندان د تړلو غوښتنه یې وکړه.
د خبرونو پر اساس، لاریون چې سلګونه کسان پکې شامل وو، او دغه شعارونه یې ور کول چې «ګونتنامو وتړئ!، ګونتانامو او بګرام زندانونه د ولسواکۍ په ټنډه يو داغ دى.»
ګوانتانامو څخه خوشي شویو کسانو او مدني فعالانو د ګونتنامو زندان فعال ساتل د بشریت ضد بللی او له ولسمشر اوباما څخه یې غوښتنه کړې ده چې نور دې دغه زندان وتړل شي.
په دغه اعتراضیه غونډه کې یو پرېکړه لیک هم لاسلیک شو چې پکې د بګرام، ګونتنامو او نورو پټ ځایونو کې د امریکا له لوري د جوړ شویو زندانونو د تړلو غوښتنه وشوه.
د یادولو ده چې د ګونتنامو زندان کې د طالبانو ګڼ لوړپوړي چارواکي بندیان شوي دي، او اوسمهال هم پکې ګڼ شمېر افغانان او د نورو هېوادونو کسان بندیان دي.