ډاکټر یوسف اکبری
د افغانستان د بحران د حل لپاره یو ځل بیا منډې ترړې پیل شوی، نن مسکو د امریکا، چین، روسیې او پاکستان د استازو کوربه دی، سرچینې وایي چې په د دې غونډې موخه د افغانستان د راتلونکی لپاره په دغه هیواد کې د سولې او امنیت او له دې وروسته د امنیتی او دفاعی اړخونو په تقویه او تمویل خبرې اترې ترسره شي.
په هیواد حاکم کړای شوی د امریکا لاسپوڅي حکومت یو ځل بیا مرور شوی او په دغه غونډه کې یې خپل ناسته تحریم کړې، ځکه چې نه غواړي د سولې لپاره کار وشي او د امریکا لخوا ورکړل شوي د واک واګي یې له لاسه ووځي. خو یو بل راپور وایي چې امریکا پر دغې ادارې فشار اچولی څو خپل استازی دغې غونډې ته واستوي نو مجبورا یې معیوب اسدالله خالد دغې غونډې ته د امریکا په فرمان استولی.
خو برعکس نړیواله ټولنه نور نه غواړي چې په افغانستان کې جګړه دوام پیدا کړي او د افغانستان واکمن دی خپل فساد او د بیګناه خلکو وژنو ته دوام ورکړي او د خلکو په وژنو او هیواد په ورانولو کې دې خپله او د خپلو کورنیو روزي تضمین کړي.
راتلونکی دوشنبه به هم چین د ورته غونډې کوربه وي، چین د اسلامي امارت د سیاسي مشر ملا برادرد اخوند ته هم په دغه غونډه کې بلنه ورکړې، وبه کتل شي چې د لاسپوڅي اداره به دغې غونډې ته خپل استازی واستوي او که تحریم به یې کړي، ځینې سرچینې وایي چې د دفاع سرپرست معیوب وزیر اسدالله خالد به د چین غونډې ته ورځي.
بلخوا ناټو وایی په افغانستان کې د خپلې لاسپوڅې ادارې نظامي ځواکونو د تقویت او تمویل به دوام د دې لپاره دوام ورکړي څو طالبان مجبور کړي چې سوله په داسې صورت سره ومني چې په افغانستان کې د امریکا لخوا په دغه هیواد کې ټولې لاسته راوړنې (کفر، فسق او فساد) ومني سولې ته اماده شي.
د یادونې وړ ده چې په افغانستان کې ټول امنیتي ځواکونه 5 ملیارده ډالر مصرف لری چې ډیره برخه یې امریکا ورکوي.
خو طالبان په خپله مبارزه کې تر امریکا او لاسپوڅو یې ډیر مصمم دي، او تر هغه به خپلې وسله والې مبارزې ته دوام ورکړي چې په خپل هیواد کې د امریکا او غربیانو ټول قوانین، او فرهنګي یرغل له بیخه وباسي او یو ځل بیا په خپل هیواد کې د خپل پاک دین قوانین تطبیق او خپل افغاني فرهنګ یو ځل بیا رایج کړی نه وي.
د طالبانو مبارزه په همدې موخه پیل شوې، او د امریکا برید او یرغل په دې عنوان پیل شوی و چې په دغه هیواد کې اسامه بن لادن او د دوی په اصطلاح ترهګري له مینځه یوسي، خو دا چې اوس اسامه بن لادن او د دوی په اصطلاح ترهګري له مینځه تللې خو اوس په افغانستان کې د دوی په لاس دغه هیواد ته د راغلو لاسته راوړنو(د دموکراسۍ کفري قوانین، او غربي بربنډ فرهنګ او ثقافت) د خوندیتوب شعار پورته کوي چې هیڅکله اصیلو افغانانو ته د منلو وړ نه دی او د هر کفر پردی فرهنګ پر خلاف یې د خپل تاریخ په اوږدو کې تل وسله واله مبارزه او مقابله کړې او دا مبارزه به تر هغه روانه وي چې پردیو قوانینو او فرهنګ ته یې ماته نه وي ورکړي او په مکمل ډول یې خپله آزادی نه وي ترلاسه کړي.
