انجينر عمیر ویاړ
بیګا د طالب جان له ويرې په پټه او غلا د نړۍ د تر ټولو مقتدر هیواد امریکا ولسمشر ټرمپ کابل ته سفر وکړ او سفر یی هم له ډیرې ویرې تر باګرام امریکایی اډې پورې منحصر و او اشرف غنی ته یو بل شرم ورواړاوه او هغه دا چی د یوه ټیټ رتبه سرتیری په څیر یی باګرام پوځي اډې ته وغوښت چی هغه هم په ځغاسته ځان ورورساوه څو غیر حاضر نه شی.
غني خو هسی هم د ټولو افغانانو پوزه ور پرې کړې، اوس یې دا بې شرمانه عمل تر سر کړ چی شاه شجاع به په قبر کی پری شرمیږی.
د ټرمپ په پټه راتګ او د اشرف غنی د ولسمشر په حیث د ارګ پر ځای په باګرام کی کتل هغو افغانانو او نړیوالو ته هم قناعت ورکړ چی تر اوسه یی هم شک درلود چی ګوندې امریکا شاید بادار او یرغلګر نه، بلکې مرسته کوونکی دی او غنی او اداره یی لاسپوڅې نه، بلکې د افغانانو استازي دی.
