تور ژیړی یا هیپاټایټیس بي او سي د کبد یا ینې یوه ساري ناروغي ده چي د یوه وایروس له امله منځته راځي. په متحده ایالاتو کې، تور ژېړی ترټولو عام د جنسي تماس له لارې خپریږي.
خوشبختانه، د هیپاټایټیس بی او سي واکسین په ټوله نړۍ کې د هیپاټایټیس بی او سي د لیږدونې کچه خورا ټیټه کړې. د دي ناروغۍ شدت د څو اونیو لپاره د لږې ناروغۍ څخه تر اوږدمهالي سختي او وژونکي ناروغي پورې توپیر لري. د عامو، غیر معمولي او ثانوي نښو پیژندل به تاسو سره مرسته وکړي تر څو دا معلومه کړی چې ایا تاسو تور ژیړی لری که نه.
ځان پوه کړی چې عامي نښې څه معنی لري
عامې نښې نښانې معمولا د هیپټایټیس بی او سي په ناروغۍ په اخته کیدو باندي د یو څخه تر څلورو میاشتو وروسته ښکاره کېږي. سربیره پردې، په یاد ولرئ چې یوازې یوه عامه نښه درلودل، لکه ستړیا یا تبه، تاسو ته په هیپاټایټیس بی او سي د اخته کیدو نښې نه ښیې. که چیرې، تاسو باور لرئ ممکن تاسو په هیپاټایټیس بی اخته شوي یاست او پر تاسو یی ځیني نښي نښاني ښکاري. نو تاسو باید د خپل ډاکټر سره د معایناتو کولو په اړه مشوره وکړی.
که تاسو فکر کوئ چې تاسو په تیرو 24 ساعتونو کې د هیپټایټیس بی او سي په ویروس باندي مصاب شوي یاست، د دي ویروس د مخنیوي درملنه ممکن په دي ناروغۍ ستاسو د اخته کیدو خطر کم کړي.
که تاسو باور لری چې تاسو په هیپاټایټیس بی او سي اخته شوي یاست مګر کومي نښې نلری، تاسو باید لاهم د خپل ډاکټر سره خبرې وکړی ځکه چې د مزمن هیپاټایټیس لرونکي ناروغان کله نا کله تر 20 یا 30 کلونو پوري نښي نلري.
د معدې درد ته مو پام وکړی
د معدي درد یو لړ نښې بیانوي چې کیدای شي په حاد، متوسط یا د شدید درد په حالت کي وي. تاسو ممکن داسې احساس وکړئ لکه ستاسو کولمي چي سوځیدلې وي یا یی پاړسوب کړی وي. د معدې درد اکثراً د اپیګسټریک په ساحه کې وي، یا په پورتنۍ راسته کواډرینټ کي.
خپل د کولمو خوځښتونه وګوری
د ډیرو غټو بولو کول یا د هغوی غیر معمول رنګ هم د تور ژیړي نښي ښيي. که تاسو اسهال او/یا د غټو بولو رنګ مو خړ رنګه وي؛ نو خپل د ډاکټر سره په اړیکه کي سی. دا ممکن هیپاټایټیس بی نه وي، مګر کیدای سي وروسته د انديښني لامل وګرځي.
تبه مو وګوری
په تخنیکي توګه، تبه د بدن هغه د حرارت درجه ده چي له نورمال 98.6 ° F (37 ° C) حالت څخه پورته وي. په هرصورت، ډاکټران به د هیڅ شخص د تبي تشخیص ونه کړي کچیري تر 100 درجي د فارنهایت یا 38 درجي د سانتي ګرید څخه یی د بدن د حرارت درجه کمه وي. خپل تودوخه د ترمامتر په واسطه وګوری تر څو معلومه کړی چي تبه خو به نلری.
د خپلې انرژۍ د کچي څارنه وکړی
خستګي د هیپټایټیس بی او سي یوه خورا عامه نښه ده. خستګي د اوږدمهاله ستړیا احساس دی. په نورمال ډول، تاسو کولی شی په ټوله شپه خوب کولو سره ستړیا له مینځه یوسي یا ډیر صحي خواړه وخوری. که تاسو هیپاټایټیس بی او سي ولری، ستاسو ستړیا به ډیری اونۍ یا میاشتې دوام وکړي او تاسو به یې توان ونه لری.
وګوری چي د ادرارو رنګ خو به تور یا بي رنګه نه وي
کچیري مو د ادرارو رنګ په غیر معمولي ډول تور ته ورته وي یا هم د چای یا کوکاکولا په څير وي نو هر څه ژر مو د ډاکټر سره په اړیکه کي سی.
که څه هم تاسو تور ژیړی یا هیپاټایټیس بی او سي ونلری، خو د ادرارو تور رنګ په دي معنی دی چي ستاسو په بدن کي څه نا څه خو مشکل سته.
