هېرجنه ښوونکې
حامد افغان
یوه ښوونکې وایي: درسونه چې خلاص شول، جیب او بټوه کې مې د موټر کیلي وکتله نه وه، په بیړه د ښوونکو کوټې ته ورغلم؛ هلته مې هم پیدا نه کړه، ناڅاپه رایاد شو چې شاید موټر کې رانه پاتې شوې یي، خاوند مې څو ځله راته ویلي و چې ګوره موټر کې کیلي پرېښودل خطرناک کار دی، ځکه موټر تښتوونکو ته د موټر دروازې خلاصول اسانه یي.
نو ډارنده او په منډه د موټرو پارک ته روانه شوم، چې ومې کتل پارک تش ولاړ و، نور موټرونه تللي وو او زما موټر هم نه و! موبایل مې راواخیست، دستې مې پولیسو ته زنګ تېر کړ، هغوی ته مې خپل نوم د موټر ځانګړنې او نور لازم معلومات ورکړل او دا چې موټر مې غلا شوی، دا مې هم ورته وویل مال کیلي هم موټر کې رانه پاتې شوې وه.
ښوونکې زیاتوي: حیرانه دریانه پارک کې ولاړه وم، مېړه ته مې موبایل وکړ، هغه ته په اساني د “ګرانه” توری نه کاروم … مګر د سختې اړتیا حالت کې یې کله کله ګران وبولم، دلته مې په نیولې ژبه ورته وویل: ګرانه! موټر کې کیلي رانه هېره شوې وه، لکه چې موټر غلو بیولی …
د هغه ځواب لیږ وځنډید، ماسکه ویل موبایل قطعه شو، خو هغه په قهرمانه شکل راغبرګه کړه: وه ساده ښځې! ته سهار ما ښوونځي ته ونه رسولې ؟! خجالت څه خاموشه کړم، بیا مې په عاجزانه لهجه ورته وویل مال لطفا که اوس راشې او کور ته مې درورسوې …
دا ځل مې مېړه ښه په قهرژنه لهجه پرې رابړچ وهل، ول لیږ صبر وکړه، دویم ځل چې دې ګلان کرلي هغو کې نښتی یم، یعني تا ته دروان وم، خو پولیسو نیولی یم، راته وایي دا موټر د یوې مېرمني دی، غلو ورنه تښتولی، اوس کوښښ کوم پولیسو ته قناعت ورکړم چې له نېکه مرغه زه غل نه یم، بلکې زه د هغې مېرمني خاوند یم…
یادونه: د ژوند ګاډۍ نر اوښځه په غبرګو مخته ولي، ژوند د دوی دواړو ګډه بوختیا ده، نو طبعا دلته د دوی دواړو تر منځ لوړې ژورې رامنځته کیږي، زه مې د ټوکو تعبیر او لیکنیز اسلوب کې خامخا داسې نغوتې کاروم چې دواړو ته ګټه لري، او الله مې ویني موخه مې یوازې او یوازې اصلاح ده، نو ځینې ساده ګلان دې زما له دا رقم ټوکو زما شخصي ژوند نه معلوموي او نه دې ځینې نورې ساده ګلانې دا ګومان کوي چې خدای مه کړه زه به مېرمنو سره دښمني لرم. لا سمح الله.
