کابل ټکی کام (پنجشنبه، ۸غبرګولی، ۱۳۹۹ل)
د راپورونو له مخې د سوريې په ادلیب کې له کرد وسلوالو سره په یوه وسلواله نښته کې يو ترکي سرتیری وژل شوی او ګڼ شمېر نور ټپیان شوي دي.
د ترکيې دفاع وزارت په یوه خبرپاڼه کې ويلي چې تېره ورځ په ادلیب کې د ترکي ځواکونه ګزمه له کمین سره مخ شوه او یاده مرګ ژوبله رامنځته شوه.
خبرپاڼه زياتوي چې په متقابلو ډزو کې ګن شمېر کردي وسلوال هم وژل شوي دي.
د یادولو وړده چې ترکي سرتیري له تیرکال راهیسې په سوریه کې د کردي وسلوالو پر وړاندې په جګړه بوخت دي او ډیری سیمې یې د کردي وسلوالو له شتون څخه پاکې کړې دي.
