کابل ټکی کام ۲۳وږی/۱۳۹۴
راپور: فیصل روښان
کلفورنیا ایالت په یو شمېر لرې پرتو سیمو ځنګلونو کې خطرناک اور لګېدلی چې په څو ساعتونو کې ۴۰میله نورو شاوخوا پرتو سیمو ته رسیدلی او زرګونه خلک يي خپلو کورونو پرېښودو ته اړ ایستلي دي .
د رويټر خبري اژانس د خبر په حواله په دې پیښه کې څلور اور وژونکي هم سوزیدلي چې اوس په روغتون کې تر درملنې لاندې دي، له دې څخه پرته نور ځاني زیان تراوسه نه دی اوښتی.
خبر ځای وايي چې له ځنګلونو څخه خورېدونکو لوګیو او لمبو د اور وژنې چارې ستونزو سره مخامخ کړي دي، خو د اور وژنې ماموران او هليکوپټرې هڅې کوي چې اور کنټرول کړي.
دغه راز ويل شوي دي چې له سیمې د خلکو د ایستلو چارې چټکۍ سره روانې دي، او دا وېره ده چې اور به د «ګروف جینټ سګویا» په نامه امریکا لرغونې ونې هم زیانمنې کړي.
