ملي امنیت بامیانو کې له دېرشو زیات ایراني ماینونه نیولي دي

کابل ټکی کام ۰۹کب/۱۳۹۴، احمدالله مهاجر
د بامیانو ولایت سیمه ییزو چارواکو خبر ور کړی دی، چې په دغه ولایت کې د ملي امنیت ځواکونو د مهماتو یوه زېرمه کشف کړې ده.
چارواکي وایي، چې په دغه زېرمه کې له دېرشو زیات ایراني ماینونه هم نیول شوي دي.
د یاد ولایت والي طاهر زهیر د یادې پېښې په تأیید کې یوې خبري ناستې ته وویل، چې یاده زېرمه د دغه ولایت په دره شکاري سیمه کې کشف شوې ده.
طاهر زهیر وايي، یاد کشف شوي ماینونه کلکي ډوله دي، چې پر ماین حک شوې نښې او مارک توږل شوی دی، نوموړي د نظامي کارپوهانو په حواله وویل، چې ښایي دا ایراني ماینونه وي.
زهیر د وینا په پای کې زیاته کړه، چې کېدای شي، دا مهمات د وسله والو له لورې ځای پر ځای شوي وي، او په را روانو پسرلیو عملیاتو کې ترې ګټه واخلي.