غزه/ لطف اللّٰه خيرخوا
غزه/ لطف اللّٰه خيرخوا
ويـر دی ژړاګـانـې دي او ساندې دي
پرې د ژوندانه د کېږدۍ مراندې دي
دغــــه د ســـړيــو کـکـرۍ غـــوڅـې
هــغـه مـاشومان د خاورو لاندې دي
پـاتــې وې سـيـاسرې پـه کورونو کې
ګــوره ودانــۍ ړنــګــې ورباندې دي
دغــه دی د پـښـو ګـوتې يې دلته دي
هــغه دی لاسـونـه يـې لږ وړاندې دي
ويـنـې د ځـوانـانــو د رګـونــونــو نــه
الــوځـي ســنــديزې دي بــهاندې دي
زاڼـې پـه هـوا کــې بــې مــداره ځــي
سـتـرګې لـه هـوسيو نه مړژواندې دي
خــــدايـــه دا دنـيــا ولــې ودانــه ده؟
خـــدايــه د ګلونو څانګې سواندې دي
زوَږ دی د ارواو تـــا تــــه غــــږ کــوي
ســـتــا ارادې ځـــوانــه اويــزاندې دي
ورځې شپې خيرخوا د غورځنګونو دي
وګـوره لـمــبــې چــې ژبــغــړاندې دي
