دا پټې وژنې چا پیل کړي؟

سرليکنه

د سیاسي چارو د شنونکي او لیکوال وحید مژده وژل کېدو په ټولنیزو رسنیو کې سخت غبرګونونه پارولي دي.

خلک پر حکومت نیوکه کوي چې د خپلو وګړو د امنیت په تامین کې پاتې راغلی  او د بیان د ازادۍ ساتنه نه شي کولی. سیاسي فعالان او لیکوالان او وحید مژده بې طرفه کسان وو مژده  تل د سولې او بیان ازادۍ لپاره مبارزه کړې ده.

وحید مژده د سیاسي چارو شنونکی او دغه راز تکړه لیکوال و، چې تل یې د سولې، عدالت د تامین او جګړو د درېدو لپاره تحلیلونه او لیکنې کولې.

نوموړی تېر ماښام خپل کور ته نږدې له جومات تر راوتو وروسته د نامعلومو وسله والو له لوري ووژل شو. کورنیو چارو وزارت وایي چې په دې اړه یې پلټنې پيل کړې دي خو تر اوسه د کوم چا په نیولو بریالي شوي نه دي.

تر دې مخکې د قاضي محمد حسن حقیار، مطمېن او ملا عبد السلام ضعیف د ترور هڅې هم شوي دي بارکزی هم د موټر سایکل سپرو لخوا ووژل شو.

ویل کیږی چې دا یوه امریکایی پروژه ده چې د سي آی ای په پانګونه د کابل ادارې د بشري ځواک پر مټ پیل شوې او موخه یی په تدریجي ډول د ټولو هغو افغانانو وژل دي چې د امریکا د استعمار او د لاسپوڅي ادارې مخالف دي او  د دې ادارې په کنترولي سیمو کې ژوند او فعالیت کوي په ننګرهار کې د تیر یوه کال راهیسی نږدې 60 دیني عالمان ترور کړای شول.

د امریکا او لاسپوڅې ادارې ټول مخالفین دې یا له هیواده هجرت وکړي او یا دې د طالبانو له لیکو سره یوځای او په وسله وال جهاد دې د دې منحوس صلیبي استعمار او صلیبي لاسپوڅې ادارې پر وړاندې تر هغې مبارزه وکړي چې څو یې په ګونډو کړي نه وي ځکه دا دالله اردې دي چې فرمایلې یې دي:  اذن للذین یقاتلون بانهم ظلموا و ان الله علی نصرهم لقدیر

یعنې پر چا چې ظلم کیږي هغوی ته اجازه شوې چې وسله واله مبارزه وکړي او الله تعالی یې په بریالي کولو توانا دی.