کابل ټکی کام (یکشنبه، ۵ زمری، ۱۴۰۴ل)
د حماس اسلامي غورځنګ پوځي څانګې «القسام» لېوا ادعا کړې، چې د غزې شمال کې یې په وروستیو نښتو کې د صهیونیستي پوځ یو لوړپوړی جنرال وژلی دی. د القسام ویاند ویلي، دغه برید د یوې ځانګړې کمیني حملې پر مهال ترسره شوی او د اسرائیلي ځواکونو ګڼ شمېر سرتېري ټپیان شوي هم دي.
د اسرائیلي پوځ له لوري تر اوسه پورې د دې برید یا د لوړپوړي جنرال د وژل کېدو په اړه کومه رسمي اعلامیه نه ده خپره شوې؛ خو ځینو عبري رسنیو د غزې شمال کې صهیونیستي پوځیانو ته د مرګ ژوبلې اوښتو راپورونه ورکړي دي.
د ویلو ده، چې له تېرې یوې میاشتې راهیسې د غزې په لر او بر کې د مقاومت ځواکونو لخوا په اشغالګرو پوځیانو د “جهنم” دروازې په نامه پراخ ځپونکي عملیات پیل شوي، چې په پایله کې یې سلګونو صهیونیستي اشغالګرو ته مرګ ژوبله اوښتې ده.
