کابل ټکی کام (پنجشنبه، ۳ تله، ۱۴۰۴ل)
د کندهار د سپين بولدک د مهاجرينو د لېږد امريت وايي، په تېره يوه اوونۍ کې ۱۸۲ افغان مهاجرين د پاکستان له بېلابېلو زندانونو څخه خوشې او افغانستان ته ستانه شوي دي.
د مهاجرينو وزارت وايي، ياد افغانان د پاکستان په بېلابېلو سيمو کې د يوې ورځې تر دوو مياشتو پورې په بند خونو کې ساتل شوي وو.
مسولين وايي، هغوی د قانوني اسنادو نه لرلو له امله نيول شوي وو.
د مهاجرينو د لېږد امريت زياته کړې چې دغه افغانان له ثبت او د بشري مرستو ترلاسه کولو وروسته خپلو اصلي سيمو ته لېږدول شوي دي.
