د دوستم او عطا مخالفت به ملي يوالي حکومت ته ستونزمن شي
« تبصره »
د هېواد ولسمشر اشرف غني به ، چې انتخاباتي کمپايني غونډو ته ويناوې کولې د شمال په ولاياتو او په ځاګړې توګه د ازبک ملېشې مشر دوستم په نفوس به يې حساب کاوه ، چې که د شمال رايې تر لاسه کړي خپل حکومت جوړولی شي، معنا دا چې تر ټولو زونونو يې په شمالي زون د رايې تکيه زياته وه.
همداسې وشول د دوستم سره يې چې په کومه وعده سر خوځولی و، ورسره يې پوره کړه ؛ درې مياشتې د مخه د ملي يوالي له حکومته د دوستم د نارضايۍ راپورونه ورکړل شول، د دې نارضايۍ نور لاملونه به هم وو ؛ خو په فارياب او شمال کې د دوستم نظامي ناکامي ، چې د طالبانو د له منځه وړلو ټټر يې وهلی و ، په فارياب کې د ۵۰۰۰ پوځيانوپه لرلو او په شمال کې تر ۱۰۰۰۰ پوځ سره ، چې په ډول ډول وسلو سنبال و ؛ د طالبانو په مقابل کې يې ماتې وخوړه.
خپله دوستم له ملي يوالي حکومت له وتلو انکار کړی ، ويلي يې دي ، چې د اشرف غني په مشرۍ د ملي يوالي حکومت سره يو څه ستونزې لري ، چې دا ستونزې د يوې ورځې نه تر بلې غځېږي او آن د روان ۱۳۹۵ کال په لومړۍ ورځ په مزارشريف کې د جشن مراسم تر سره کيدل د دوستم عکسونه د مزارشريف له څلور لارو او نورو واټونو څخه وشوکول شول، چې د څيرې شوو دوستم عکسونو ننداره د مزار شريف خلکو وکړه.
د ملي جشن پلويانو په مزارشريف کې واکمن عطامحمدنور د پلويانو په لور ګوته ونيوله ؛ خو د عطامحمد ډله ، چې په مزار کې يې ټول امنيتي واک تر لاسه کړی دی دا د عکسونو څيرې کول( د اخلال ګرو ) کار بولي.
کومه ژمنه ، چې په فارياب کې جنرال دوستم د غور ماچ ولسۍ وګړو سره د طالبانو په له منځه وړلو کې کړې وه هغه يې په شمال کې په يوه بل رمز تکرار کړه .
په شمال کې د جنرال دوستم او عطامحمدنور تر منځ اختلافات ډېر ژوردي ، چې د نوي کال را دبره کيدو سره ښکاره شول.
که جنرال دوستم خپلو اختلافاتو پاللو ته دوام ورکړي ګرانه ده ، چې په شمال کې د ملي يوالي ټاکل شوي والي ، چې دوستم ورسره موافقه ونه لري وخت تېرکړي .
امکان لري ، چې جنرال دوستم د ملي يوالي له حکومت سره په مزارشريف کې د عکسونو څېري کولو او نورو ستونزو د رابرسيره کولو يادونه په ډاګه کړي، د دوستم او عطامحمدنور اختلافاتو تر منځ به ولس په يو بل اور کې وسوزي .
له يوې خوا په شمال کې د طالبانو پر مختګ ، له بلې خوا د نوې داعش جګړه مارې ډلې سر راپورته کول او دريم د عطامحمدنور او دوستم اختلافات به ملي يوالي حکومت لپاره روان کال په افغانستان کې د ناټو او امريکا پخواني جنرال کمپل په وينا د ستونزو ډک کال شي ، چې د شمال د اختلافاتو لګول شوي اور به نورو ولاياتو ته هم ورسېږي.
