دوستم له امرالله صالح غوښتي، چې د ده او د عطا نور د پلویانو شخړه حل کړي

کابل ټکی کام ۰۵حمل/۱۳۹۵، احمدالله مهاجر
جنرال دوستم له امرالله صالح څخه د یوې ټلیفوني مکالمې په ترڅ کې غوښتنه کړې ده، چې تر څو د ده او د عطا نور د ملېشو د شخړې حل لاره وباسي.
امرالله صالح پخپله فیسبوک پاڼه کې د ټلیفون له لارې د دوستم د غوښتنې بشپړ متن خپور کړی دی.
دوستم امرالله صالح ته ویلي دي، چې یوه اعلامیه خپره کړي، او خلکو مطمئن کړي، چې باید دوستي او ورورولي په افغانستان کې پخپله خراب نه کړو.
دوستم صالح ته ویلي دي، چې زمونږ اصلي دښمني له طالب، داعش او د دوی له پلویانو سره ده، نه په افغانستان کې له یوې قومي او سیاي ډلې سره.
دوستم صالح ته ویلي دي، څوک چې بې نظمي کوي، باید محکمه کړی شي.
دوستم د پیغام په پای کې صالح ته ویلي دي، چې دی به خپلو پلویانو ته د مظاهرو څخه د لاس اخیستنې توصیه وکړي.
په ورته وخت کې عطا نور پخپله فیسبوک پاڼه لیکلي دي، چې دوی صبر کولو، او نه یې غوښتل چې د ملي وحدت حکومت ته صدمه ورسیږي، خو د دوی صبر او زغم ته د ډار په سترګه وکتل شول.
عطا نور د پیغام په پای کې خبردارۍ ورکړی، چې د کابل، کوهدامن، شمالي، پنجشېر او ځینو نورو سیمو خلک لا د ده ځواب ته منتظر دي، خو دی ورته تر دې دمه د صبر سپارښتنه کوي.
د یادولو ده، چې نن د فاریاب مرکز میمنه کې د دوستم او د عطا نور د ملاتړو له لورې د لاریونونو پر مهال ډزو ۱ وواژه، او ۴ تنه نور یې ټپیان کړل.
بشپړ متن:
«صالح صاحب ، من از شما خواهش دارم که یک اعلامیه نشر کنید ، به مردم اطمینان بدهید که ما نباید دوستی ، برادری و نظم و نظامی را که در افغانستان حاکم است بدست های خود خراب کنیم. دشمن اصلی ما طالب ، تروریست ، داعش و حامیان شان است. من با هیچ گروه قومی و سیاسی افغانستان دشمنی ندارم. کسانیکه بی نظمی ایجاد میکنند باید محکمه شوند. کسانیکه قانون شکنی می کنند باید محکمه شوند. ما نباید دستاورد های خود را شکار چند تا آشوب گر بسازیم. این پیام به خودت است و از طریق شما به تمام کسانیکه حرف شما را میشنوند که من طرفدار هیچ نوع بد امنی نیستم و به زودی از طریق رسانه ها موقف خود را اعلام میدارم. من فعلا به دعوت ترکیه در انقره به سر می برم. حالا با تک تک از قوماندانها و متنفذین نیز صحبت میکنم که دست از تظاهرات بردارند.»