امريکا تر ايران وروسته بيا شمالي کوريا ته مخه کړه
« سرليکنه »
اروپايي ټولنې ، چې په سر کې امريکا وه له ايران سره يې د اتومي پروګرام په سر تر۶ کلونو پورې ناستې او مخالفتونه وکړل، اقتصادي بنديزونه يې پرې ولګول ؛ خو چې موافقه يې ورسره وشوه اوس يې يو ځل بيا شمالي کوريا ته مخه کړه.
که اسلامي هېواد وي او که غير اسلامي امريکا نه غواړي چې غني پاتې شی ؛ خو چې کوم هېواد يې مقابله کوي د هغه هېواد د ورکاوي لپاره له ځانه سره نور هېوادونه هم په دې ملګري کړي ، چې د اتومي پروګرام زياتوالي يوازې د امريکا نه ؛ بلکې ټولې نړۍ ته لوی خطردی؛ حال دا چې بې له امريکا چې پر هيروشيما او ناګاساکه يې اتومي بمونه وغورځول ؛ بل هېواد نه دي استعمال کړي.
امريکا د صدام حسين رژيم په دې نسکور کړ ، چې کيمياوي يا ذروي وسلې لري حال دا چې د ايران سره په جګړه کې او هم د کردانو پرخلاف صدام ته خپله امريکا کيمياوي مواد ورکړي وو ، چې د کردانو ۵۰۰۰ ولسي وګړي يې په يوه ورځ پرې ووژل.
له امريکې سره د شمالي کوريا پر خلاف بيا برتانيه ، المان او فرانسه ملګري شول ، تېره ورځ اوباما په واشنګټن کې د اتومې وسلو د خونديتوب تر غونډې وروسته په يوه غير رسمي ناسته کې د شمالي کوريا پر خلاف بيا هلې ځلې پېل شوې تر څو د نړيوالو سترګې د غربي هېوادونو او منځنې اسيا د جګړو او شخړو څخه د شمالي کوريا په لورې واوړي.
امريکا په نظر کې لري چې د افغانستان مسئله تر کلونو پورې اوږده کړي او خپله مخه شمالي کوريا ته واړوي تر څو د کوريا ټاپو وزمه غير اتومي وګرځول شي .
دا چې امريکا به تر کومه حده د افغانستان ، ايران ، عراق ، يمن ، سوريې او نورو هغو هېوادونو په جګړو کې خپلې ګټې تر لاسه کوي کومو هېوادونو کې ، چې امريکا د خپلو څو ملګرو هېوادونو په مرسته جګړې او نا امنۍ پېل کړي دي.
د معلوماتو له مخې په ګرجستان کې ، چې د روسانو په مقابل کې امريکا ماتې وخوړه او د ګرجي ولسمشر اکاشويلي مخالفين يې له پښو را وغورځول اوس غواړي په منځنۍ اسيا کې په احتياط سره ګامونه واخلي.
امريکا له يوې خوا د شمالي کوريا اتومي پروګرام او د بلې خوا د چين سره په ساړه جګړه کې خپلو برياليتوبونو ته ځان ورسوي؛ ځکه خو يې د شمالي کوريا پرخلاف په واشنګټن کې د چينايي جمهور رئيس جین پینګ سره ليدنه وکړه او د شمالي کوريا لخوا خطر يې د چين لپاره هم خطر وباله .
داچې امريکا په افغانستان کې ( جګړه ، زړه او اقتصاد ) درې واړه و بايلل ځکه يې بيا شمالي کوريا ته مخه کړه.
