د هیواد شمله / عاکف مهاجر
عاکف مهاجر
نن كندز لكه وړانګه غوندې ښکاریږي
داله لمر هم ښایسته غوندې ښکاریږي
ښایسته زلفو کې یې ښکلی ګل ټومبلی
ګل طالب کې ګلدسته غوندې ښکاریږي
ټول شمال ته یې رڼا د فتحې ورکړه
خو کندز بیا زرغونه غوندې ښکاریږي
تور ټغریې دوحشت له غولي ټول شو
د رڼا مشال شغله غوندې ښکاریږي
د هیواد شمله مو هسکه نن کندز ده
غلیمانو ته لمبه غوندې ښکاریږي
کندزي زلمو مونږ ټول درباندې ویاړو
دا عاکف هم خندنه غوندې ښکاریږي
