هغه افغانان چې په داخل دهېواد کې ژوند کوي دنا امنیو نه علاوه دغربت او بې روزګاریو ستونزې دومره زیاتې دي چې زیات شمیر افغانان له مجبورۍ له خپله کلتوره وایستل شول ، دافغانانو کلتور چې کاملا داسلام سره سمون خوري دیوه دوست ، ګاوانډي، خپلوان اونورو کلیوالو پوښتنه دیوې ستونزې او یا دمریضتیا په صورت کې په ځان فرض ګڼي خو داقتصادي ستونزوله امله اوس څوک داډول پوښتنو ته رسیدګي نشي کولاي .
تردې دمه چې دافغانانو دمیلمه پالنې ښه نوم پاتې دی دا یوه بله ستونزه ده چې اوس څوک هغه ډول میلمه پالنه هم نشي کولای کومه چې به ېې دمخه کوله ، ځکه خو یوشمیر افغانان په رواني ناروغۍ اخته شویدي داخو په داخل دافغانستان کې دمیشتو افغانانو حال دی، هغه افغانان چې ددې ستونزو څخه دوتلو په خاطر له هېواده بهر تللي دي اوس دخپل ژوند پورې حیران پاتي دي درسنیو دراپورونو په اساس په روان کال کې تر ۲۰۰۰پورې افغانان له اروپايي هېوادونو څخه چې په مرګونو لارو تللي وو جبرا را ایستل شویدي .
هغه تنکي افغانان ځوانان چې له هېواده داروپا په لوري وتلي او دا مهال یاپه ترکیه او یاپه یونان کې راګیر پاتي دي جبرا درا ایستل شوو افغانانو په خبر تربد اخیز لاندې راغلی ، هغه افغانان چې دلکونو افغانیوپه لګښت اروپاته رسیدلی او په غیرقانوني ډول ژوند کوي منل شوي ندي هغه دمنلو په انتظار، جبرا را ایستل شوي او په یونان او ترکیه کې اروپا تله دتلو په انتظار ټول افغانان په رواني ناروغيو اخته شویدي ددې ټولو ژوند دبې ځالې مارغانو په څیر تریږي .
د۲۰۱۵میلادي کال راپدیخوا اروپاته له سورېې ورسته زیات شمیر افغانان دي چې دپنا اخستلو انتظارباسي ، دامهال په اروپايی هېوادونو کې تر یولک نوي زره پورې افغانان په قانوني او غیرقانوني ډول ژوند کوي، د۲۰۱۶میلادي کال دملګرو ملتونو دبشر دحقوقو سازمان سروې څرګندوي چې له افغانستان تر ۲۵۰زروپورې افغانان له هېواده داروپاپه لورې وتلي دي چې څه ېې په لاره او څه اروپاته رسیدلي دي .
ددې نه داڅرګنده شوه چې په اروپا کې دمنل شوو افغانانو علاوه نور ټول دبې ځالي مارغانو ژوند کوي تردې لویه بدبختي زموږ دپاره بله نشي کیدي چې په داخل دهېواد، په لاره او په اروپاکې میشت دغیرقانونوني په نامه درې واړه دې بې ځالې مارغان وي .
داچې په سلوکې څلویښت افغانان دې په اروپاکې ومنل شي دانور په څه ډول ژوند کوي او په کوم ځاې کې به ېې کوي په جرمني کې ورته یوڅه اسانتیاوه هغه هم دانګیلامیرکن مخالفینو په مخالفت کډوالو ته ستونزې را پیدا کړي . یواځې دجرمني هېوا و چې افغانانو پکې یوڅه دژوند تیرولو اسانتیا درلوده هلته هم دافغانانو ژوند دبې ځالې مارغانو په څیرشو. په پاکستان او ایران کې هم افغانان دبې ځالې مارغانو په څیر ژوند کوی چې د سیاسي پالیسیوپه بدلون ېې دیوې شپې تیرولو باورهم نشته .
