تبصره:رائد
له تېرو څو ورځو راهیسې په اسرائیلو کې یو وېروونکی اور بل شوی چې تر اوسه یې زرګونه هکتاره ځمکه لاندې کړې، زرګونه تنه یهودیان یې زیانمن کړي.
اسرائیلي چارواکي بل شوي اور دومره وارخطا کړي چې روان وضعیت له جګړییز حالت سره ورته بللی.
امریکا هم په ټول توان سره وغوښتل چې د اسرائیلو د بل شوي اور بندولو ته دوام ورکړي او اور قابو کړي، خو لا هم اور بل دی او شېبه په شېبه یې لمن نورو ښارونو ته په پراخېدو ده، له نړیوالو مرستو سربېره د اسرائیلو حکومت لا تر اوسه په دې نه دی توانېدلی چې دغه قهرېدلی اور مړ کړي.
له څو ورځو راهیسې
د اور لګېدنې تر ۳۵۰ زیاتې پېښې ثبت شوي، تر ۳۰۰ زیات کسان د تنفسي اختناق سره مخ شوي او ۸۰۰۰۰ اتیازرو زیات یهودان له خپلو کورونو څخه بې ځایه شوي دي. تر اوسه د ځاني تلفاتو دقیق خبر نه شته خو فلسطیني رسنۍ وايي چې لسګونو یهودانو خپل ژوند له لاسه ورکړی.
خو!
خو اصلي خبره داده؛
چې رسنۍ ولې د اسرائیلو داور لګېدنې خبرونه نه پورته کوي؟
ولې یې نړیوالو ته د روان لګیدلي اور کره او دقیق معلومات نه ورکوي؟
دا او دېته ورته پوښتنې دي چې ځینې داخلي او خارجي رسنۍ تر پوښتنې لاندې راولي چې باید ځواب یې ووایي!
که دوی وایي چې د بشري حقوقو پر بنا چې په داسې خبرونو نورو انسانانو تکلیف رسېږي؛ نو ځکه یې نه خپروي!
نو بیا خو دلته اساسي پوښتنه داده: چې د افغانستان، فلسطین او سوریې د مظلومو مسلمانانو انتقامي بریدونه ولې په ډېر وحشتناک انځور سره خپریږي؟
او که د اسرائیلو له خوا ورته د اورلګېدنې د نه رسنیز کولو او نشرولو امر شوی وي!
نو بیا خو دغه رسنۍ خپلواکې نه، بلکې بلواکې او غلامې رسنۍ دي او بس.
دوی هسې د خپلو ویب سایټونو په ټنډه لیکلي: “ازاده او خپلواکه اداره” دوی باید د دې پرځای چې ازاده او خپلواکه ادره ولیکي باید اسرائیلي، غلامه او بلواکه اداره ولیکي. ترڅو نړیوال عام مسلمانان په دې پوه شي چې دا رسنۍ خپلواکې نه بلکې اسرائیلي بلواکې رسنۍ دي.
د دوی له دې بې موجبه چوپتیا جوتیږي چې کابو ټولې رسنۍ د کفر په دفاع او د اسلام د بدنامۍ لپاره کار کوي.
د لیکوال ګوتي دي الله ج ښوریدلي وساتي. په ګوتو یی برکت.